Versus.
V. Laudate Dominum in Sanctis ejus:
R. Laudate Eum in firmamento virtutis ejus. (Ps 140)
Versus.
V. Domine, labia mea aperies,
R. Et os meum annuntiabit laudem tuam.
V. Deus, in adjutorium meum intende.
R. Domine, ad adjuvandum me festina.
Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.
Hymnus.
Ad B.V. Reginam Sanctorum omnium.
O Mater: Ο senatus
Regina caelici!
Thronuique praeparatus
In Orbe numini!
Te nominat parentem
Creator omnium;
Te praedicat potentem
Caterva supplicum.
Te mater opto mille
Laudare vocibus,
Et mille, mille, mille
Amare cordibus.
Cor millies renatum
Si mater imperes,
Cor millies dicatum
O mater! auferes.
Antiphona.
Beatam te dicent omnes generationes: quia fecit tibi magna, qui potens est, et sanctum nomen ejus. (Luc. 1)V. Benedicta tu in mulieribus,
R. Et benedictus fructus ventris tui.
Oratio.
Oremus. Omnipotens aeterne Deus, qui beatissimam Virginem Mariam innumeris donis et gratiis exornatum in Matrem unigeniti Filii tui elegisti, et super omnes Angelos et Electos in regno tuo exaltasti: concede propitius; ut, qui eam in terris colimus, ejusdem patrocinio aeternam gloriam consequamur. Per eundem Dominum nostrum Jesum Christum Filium tuum, qui tecum vivit et regnat in unitate Spiritus Sancti, Deus, per omnia saecula saeculorum. Amen.
V. Domine exaudi orationem meam,
R. Et clamor meus ad te veniat.
V. Benedicamus Domino,
R. Deo gratias.
V. Et fidelium animae per misericordiam Dei requiescant in pace.
AD LAUDES
Versus.
V. Laudate Dominum in Sanctis ejus:
R. Laudate Eum in firmamento virtutis ejus. (Ps 140)
Versus.
V. Deus, in adjutorium meum intende.
R. Domine, ad adjuvandum me festina.
Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.
Hymnus.
Ad Sanctos Angelos.
Candidae cohortes
Stellantis aetheris!
Promptae refertae fortes,
Et fata numinis.
Vox ore triplicato,
Ternoque carmine,
Ter sanctus ordinato
Cantatis agmine.
Ah posset esse mima
Vos nostra coelitum!
Ut summa vox et ima
Det suave canticum.
Favete mille corda,
Ut inde coelicae
Fiat vel una chorda
Aptanda musicae.
Antiphona.
In conspectu Angelorum psallam tibi Deus meus: adorabo ad templum sanctum tuum, et confitebor nomini tuo. (Ps. 137)V. Angelis suis Deus mandavit de te:
R. Ut custodiant in omnibus viis tuis.
Oratio.
Oremus. Omnipotens aeterne Deus, qui et majestatem tuam in numero et sanctitate Angelorum ostendis, et nobis eosdem Custodes et Magistros tribuisti: concede propitius; ut eorum exemplo tibi ita serviamus in terris, ut aeternum cum iisdem te laudare mereamus in coelis. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti, Deus, per omnia saecula saeculorum. Amen.
V. Domine exaudi orationem meam,
R. Et clamor meus ad te veniat.
V. Benedicamus Domino,
R. Deo gratias.
V. Et fidelium animae per misericordiam Dei requiescant in pace.
AD PRIMAM.
Versus.
V. Laudate Dominum in Sanctis ejus:
R. Laudate Eum in firmamento virtutis ejus. (Ps 140)
Versus.
V. Deus, in adjutorium meum intende.
R. Domine, ad adjuvandum me festina.
Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.
Hymnus.
Ad Sanctos Patriarchas.
Spectabiles senecta
Salvete Principes,
Quos vita mensque recta
Fecere coelites:
Vos terra Patriarchas
Ducesque nuncupat!
Sed rectias Monarchas
Vos aethra praedicat:
Spes vestra nascituro
Parente Virgine,
Ceu firmiore muro
Est vita surgere.
Et nostra spes in isto
Suspensa cardine,
Unique nixa Christo.
Stat firma Numine.
Antiphona.
In te speraverunt Patres nostri: speraverunt et liberasti eos; ad te clamaverunt, et salvi facti sunt. (Psal. 21:5)V. Notas mihi fecisti vias vitae.
R. Adimplebis me laetitia cum vultu tuo.
Oratio.
Oremus. Omnipotens aeterne Deus, qui Sanctos veteris testamenti Patriarchas proper constantem mandatorum tuorum observantiam, et fiducium in promissum Unigenitum tuum mundi Redemptorem, regni tui participes esse voluisti: concede propitius; ut simili constantia et fiducia in via praeceptorum tuorum persistamus, et demum ad conspectum Divinae majestatis tuae admitti mereamur. Per eundem Dominum nostrum Jesum Christum Filium tuum, qui tecum vivit et regnat in unitate Spiritus Sancti, Deus, per omnia saecula saeculorum. Amen.
V. Domine exaudi orationem meam,
R. Et clamor meus ad te veniat.
V. Benedicamus Domino,
R. Deo gratias.
V. Et fidelium animae per misericordiam Dei requiescant in pace.
AD TERTIAM.
Versus.
V. Laudate Dominum in Sanctis ejus:
R. Laudate Eum in firmamento virtutis ejus. (Ps 140)
Versus.
V. Deus, in adjutorium meum intende.
R. Domine, ad adjuvandum me festina.
Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.
Hymnus.
Ad Sanctos Prophetas.
O Sancta turba Patrum
Quae mente provida
Producis in theatrum
Ventura tempora.
Arcana multa pandens
De prole Numinis.
Per dura multa scandens
Ad limen aetheris.
In Orbe vos labores
Pressere ferrei:
In axe nunc honores
Redduntur aurei.
Juvate: sic fideli
Sequemur orbita
Donec superna coeli
Intremus atria.
Antiphona.
Jerusalem, Jerusalem! quae occidis Prophetas, et lapidas eos, qui ad te missi sunt: quoties volui congregare filios tuos quemadmodum gallina congregat pullos suos sub alas, et noluisti? Matt. 23:37V. Da mercedem sustinentibus Te.
R. Ut Prophetae tui fideles inveniantur.
Oratio.
Oremus. Omnipotens sempiterne Deus! qui Prophetas tuos, sancti Spiritus gratia illuminatos et confortatos per plurimas hujus vitae adversitates ad aeternum gloriae tuae lumen perduxisti: concede propitius; ut nos eodem sancti tui Spiritus lumine illustrati, te Deum verum, et quem misisti Dominum Jesum Christum ita in terris agnoscamus, et colamus, ut in coelis clare intueri, et perfecte possidere mereamur. Per eundem Dominum nostrum Jesum Christum Filium tuum, qui tecum vivit et regnat in unitate Spiritus Sancti, Deus, per omnia saecula saeculorum. Amen.
V. Domine exaudi orationem meam,
R. Et clamor meus ad te veniat.
V. Benedicamus Domino,
R. Deo gratias.
V. Et fidelium animae per misericordiam Dei requiescant in pace.
AD SEXTAM.
Versus.
V. Laudate Dominum in Sanctis ejus:
R. Laudate Eum in firmamento virtutis ejus. (Ps 140)
Versus.
V. Deus, in adjutorium meum intende.
R. Domine, ad adjuvandum me festina.
Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.
Hymnus.
De sanctis Apostolis.
O Ordo Nuntiorum!
O clara lumina!
Et Orbis, et polorum
Bis sena sidera,
Vobis ad astra clavis
Est certa tradita,
Ecclesiaeque navis
In Orbe credita.
Quae sacra seminastis
Ubique semina,
Et voce praedicastis
Factisque dogmata.
Ah! Impetrate lumen.
Ut corde compleam.
Ah! Invocate Numen,
Factis ut exprimam.
Antiphona.
Amen, dico vobis, quid vos, qui secuti estis me, in regeneratione, cum sederit Filium hominis in sede Majestatis suae, sedebitis et vos super sedes duodecim, judicantes duodecim tribus Israel. Matt. 19V. Nimis honorati sunt amici tui Deus:
R. Nimis confortatus est principatus eorum. Ps. 138:17
Oratio.
Oremus. Domine Jesu Christe! qui novam charitatis legem pectoribus nostris per beatos Apostolos tuos infudisti: horum nobis quaesumus, intercessione concede, ut suave hoc novae Legis tuae jugum prompta voluntate amplectamur, et opere perfecto expleamus Qui vivis et regnas cum Deo Patre in unitate Spiritus Sancti, Deus, per omnia saecula saeculorum. Amen.
V. Domine exaudi orationem meam,
R. Et clamor meus ad te veniat.
V. Benedicamus Domino,
R. Deo gratias.
V. Et fidelium animae per misericordiam Dei requiescant in pace.
AD NONAM.
Versus.
V. Laudate Dominum in Sanctis ejus:
R. Laudate Eum in firmamento virtutis ejus. (Ps 140)
Versus.
V. Deus, in adjutorium meum intende.
R. Domine, ad adjuvandum me festina.
Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.
Hymnus.
Ad Sanctos Martyres.
O Turba laureata!
O agmen inclytum!
Christique purpurata
Caterva Martyrum!
Athletico duella
Aggressa robore,
Et gloriosa bella
Edocta vincere,
Da bella sic capessam:
Quae semper ingruunt,
Hostesque sic lacessam,
Qui semper impetunt.
Ut victor in superna
Theatra transferar,
Lauroque sempiterna
Tecum revinciar!
Antiphona.
Hi sunt, qui venerunt de tribulatione magna, et laverunt stolas suas; et dealbaverunt eas in Sanguine Agni. Ideo sunt ante Thronum Dei, et serviunt Ei die ac nocte in templo ejus. Apoc. 7:14V. Exultabunt Sancti in gloria:
R. Laetabuntur in cubilibus suis. Ps. 149:5
Oratio.
Oremus. Domine Jesu Christe! cujus acerbissimae Passionis et mortis meritis, omnes Martyres abundantem gratiam consecuti sunt ut pro confessione Nominis tui sanguinem suum fuderint: Concede propitius: ut et nos eorundem meritorum abundantia, et Martyrum tuorum intercessione, constanter fidem tuam profiteri et semper mortificationem tuam, o Jesu! in corpore nostro circumferre valeamus.
Qui vivis et regnas cum Deo Patre in unitate Spiritus Sancti, Deus, per omnia saecula saeculorum. Amen.
V. Domine exaudi orationem meam,
R. Et clamor meus ad te veniat.
V. Benedicamus Domino,
R. Deo gratias.
V. Et fidelium animae per misericordiam Dei requiescant in pace.
AD VESPERAS.
Versus.
V. Laudate Dominum in Sanctis ejus:
R. Laudate Eum in firmamento virtutis ejus. (Ps 140)
Versus.
V. Deus, in adjutorium meum intende.
R. Domine, ad adjuvandum me festina.
Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.
Hymnus.
Ad Sanctos Confessores.
O Casibus probati
Heroes arduis!
Ad multa dura nati
In rebus asperis!
Vos mille jactitavit
Sors dura fluctibus,
Crebrisque cor probavit
Tentator ictibus:
Tulistis illa laeto,
Firmoque pectore.
Dum staret inquieto
Carina littore.
Cor impetrate forte,
Ut dura perferam,
Contentus esse forte
Quacunque gaudeam.
Antiphona.
Stabunt justi in magna constantia adversus eos, qui se angustiaverunt, et qui abstulerunt labores eorum. Sap. 5:1V. Ecce quomodo computati sunt inter filios Dei:
R. Et inter Sanctos sors illorum est. Sap. 5:6
Oratio.
Oremus. Domine Jesu Christe! cujus doctrina et exemplo Confessores tui mites et humiles facti et requiem animabus suis in hac et in altera vita consecuti sunt: da nobis gratiam, eorundem vestigiis devote ita hic insistere; ut demum ad aeternae quietis locum pervenire feliciter mereamur. Qui vivis et regnas cum Deo Patre in unitate Spiritus Sancti, Deus, per omnia saecula saeculorum. Amen.
V. Domine exaudi orationem meam,
R. Et clamor meus ad te veniat.
V. Benedicamus Domino,
R. Deo gratias.
V. Et fidelium animae per misericordiam Dei requiescant in pace.
AD COMPLETORIUM.
Versus.
V. Laudate Dominum in Sanctis ejus:
R. Laudate Eum in firmamento virtutis ejus. (Ps 140)
Versus.
V. Converte nos, Deus, salutaris noster,
V. Deus, in adjutorium meum intende.
R. Domine, ad adjuvandum me festina.
Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.
Hymnus.
Ad Sanctas Virgines.
O digna lilietis
Caterva coelicis!
Quae vivis in viretis,
Sponsique pascuis.
Nix cana liliorum
Albente vellere,
Et lac eburque florum
Te vestit undique.
Tu carmen innocenti
Scis ore suadere,
Quod coelites silenti
Mirantur aethere.
Valete, vah! valete
Impura basia,
Mihi nec invidete
Haec casta gaudia.
Antiphona.
Cantabunt quasi canticum novum, et nemo poterat dicere canticum, nisi illa centum quadraginta quatuor millia, qui empti sunt de terra. Hi sunt, qui cum mulieribus non sunt coinquinati; Virgines enim sunt. Hi sequuntur Agnum, quocunque ierit. Apocal. 14:3V. Hi empti sunt ex hominibus primitiae Deo et Agno:
R. Et in ore eorum non est inventum mendacium. ibid.
Oratio.
Oremus. Domine Jesu Christe Sponse et singularis Amator castarum animarum, quas prae caeteris Sanctis in regno tuo peculiari laureola condecoras: largire nobis gratiam; ut earundem vestigiis insistentes eadem quoque praemia consequamur. Qui vivis et regnas cum Deo Patre in unitate Spiritus Sancti, Deus, per omnia saecula saeculorum. Amen.
V. Domine exaudi orationem meam,
R. Et clamor meus ad te veniat.
V. Benedicamus Domino,
R. Deo gratias.
V. Et fidelium animae per misericordiam Dei requiescant in pace.
Oblatio.
O Coeli Quirites
Tonantis aulici,
Post bella postque lites
In axe fulgidi!
Clientuli precantis
Ne vota spernite,
Servique vos vocantis
Ne verba temnite.
Adesto, quando vitae
Est lapsa clepsydra,
Ad vota tunc venite,
O viva sydera!
Tunc transitum parate
Ad celsa limina,
Terrisque me vocate
Ad vestra gaudia.
Source - Coeleste Palmetum, Coloniae Agrippinae, 1782
