Introduction

This blog contains regular postings relating to the Traditional Latin Liturgy of the Roman Catholic Church. It includes regular commentary on the saints days and the liturgical cycle, with brief background and extracts from the liturgy both in Latin and English. Much of the material has been extracted from the 'St Andrew's Daily Missal', Dom Gueranger's 'Liturgical Year', or similar sources.

Related website: http://www.liturgialatina.org/





Thursday 18 August 2022

Officum Parvum pro Defunctis - Little Office for the Dead

 


AD MATUTINUM

Versus.
Domine Jesu Christe, Rex gloriae, libera animas omnium fidelium defunctorum de poenis inferni, et de profundo lacu: libera eos de ore leonis, ne absorbeat eas tartarus, ne candant in obscurum; sed signifer Sanctus Michael repraesentet eas in lucem sanctam, quam olim Abrahae promisisti, et semini ejus.

Versus.
Fidelium animae per misericordiam Dei requiescant in pace.

Hymnus.
O vos fideles animae
In Christo defunctorum;
Sed merito prohibitae
Ab auditu coelorum:

Quam velim vobis dexteram, 
Opemque praesentare;
Ut hinc ad coeli gloriam
Possitis evolare.

Antiphona.
Illuminare his, qui in tenebris et umbra mortis sedent, ad dirigendos pedes eorum in viam pacis.

V. Si iniquitates observaveris Domine,
R. Domine, quis sustinebit.

Oratio.
Oremus. Fidelium Deus, omnium Conditor et Redemptor, animabus famulorum, famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur.  Qui vivis et regnas in saecula saeculorum. Amen.


AD PRIMAM.

Versus.
Fidelium animae per misericordiam Dei requiescant in pace.

Hymnus.
O Magne Pater!
Nomine misericordiarum,
Facturas tuas respice,
Sed immemor irarum:

Poenas sunt quidem meritae,
Te tamen non negarunt
Hic locus fit clementiae:
Ignosce, quod peccarunt.

Antiphona.
Illuminare his, qui in tenebris et umbra mortis sedent, ad dirigendos pedes eorum in viam pacis.

V. Si iniquitates observaveris Domine,
R. Domine, quis sustinebit.

Oratio.
Oremus. Fidelium Deus, omnium Conditor et Redemptor, animabus famulorum, famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur.  Qui vivis et regnas in saecula saeculorum. Amen.


AD TERTIAM.

Versus.
Fidelium animae per misericordiam Dei requiescant in pace.

Hymnus.
O Jesu clementissime!
O optime Salvator!
Tuo redemptis Sanguine
Sis mitis liberator:

Indulge te amantibus
Tuam benignitatem.
Poenamque deprecantibus
Ostende bonitatem.

Antiphona.
Illuminare his, qui in tenebris et umbra mortis sedent, ad dirigendos pedes eorum in viam pacis.

V. Si iniquitates observaveris Domine,
R. Domine, quis sustinebit.

Oratio.
Oremus. Fidelium Deus, omnium Conditor et Redemptor, animabus famulorum, famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur.  Qui vivis et regnas in saecula saeculorum. Amen.


AD SEXTAM.

Versus.
Fidelium animae per misericordiam Dei requiescant in pace.

Hymnus.
O Consolator optime!
O dulcis Paraclite!
Hos tu defertos, respice,
Et indigos quiete:

In aestu hoc temperiem,
Veraeque pacis bona;
Et post laborem requiem
Aeternam iis dona.

Antiphona.
Illuminare his, qui in tenebris et umbra mortis sedent, ad dirigendos pedes eorum in viam pacis.

V. Si iniquitates observaveris Domine,
R. Domine, quis sustinebit.

Oratio.
Oremus. Fidelium Deus, omnium Conditor et Redemptor, animabus famulorum, famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur.  Qui vivis et regnas in saecula saeculorum. Amen.


AD NONAM.

Versus.
Fidelium animae per misericordiam Dei requiescant in pace.

Hymnus.
O Dulcis Mater gratiae!
Solatrix afflictorum,
Vim cohibe justitiae.
Rigorem tormentorum.

Flammam voracem tempera.
Et mitiga dolores:
Incendium refrigera,
Et fini hos angores.

Antiphona.
Illuminare his, qui in tenebris et umbra mortis sedent, ad dirigendos pedes eorum in viam pacis.

V. Si iniquitates observaveris Domine,
R. Domine, quis sustinebit.

Oratio.
Oremus. Fidelium Deus, omnium Conditor et Redemptor, animabus famulorum, famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur.  Qui vivis et regnas in saecula saeculorum. Amen.

AD VESPERAS.

Versus.
Fidelium animae per misericordiam Dei requiescant in pace.

Hymnus.
Vos tutelares Genii
Quorum sunt hi clientes.
Quantum vestri subsidii
Sunt ipsi indigentes!

Piorum desideria
Et vestrum excitate:
Optata refrigeria
Clientibus curate.

Antiphona.
Illuminare his, qui in tenebris et umbra mortis sedent, ad dirigendos pedes eorum in viam pacis.

V. Si iniquitates observaveris Domine,
R. Domine, quis sustinebit.

Oratio.
Oremus. Fidelium Deus, omnium Conditor et Redemptor, animabus famulorum, famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur.  Qui vivis et regnas in saecula saeculorum. Amen.


AD COMPLETORIUM.

Versus.
Fidelium animae per misericordiam Dei requiescant in pace.

Hymnus.
Vos omnes quoque Coelites,
In regno triumphante,
Solamini nos milites
In flamma hac purgante,

Vestris in terris socii
Cum fuerint laborum!
Nunc et beati otii
Sors vocat et bonorum.

Antiphona.
Illuminare his, qui in tenebris et umbra mortis sedent, ad dirigendos pedes eorum in viam pacis.

V. Si iniquitates observaveris Domine,
R. Domine, quis sustinebit.

Oratio.
Oremus. Fidelium Deus, omnium Conditor et Redemptor, animabus famulorum, famularumque tuarum remissionem cunctorum tribue peccatorum: ut indulgentiam, quam semper optaverunt, piis supplicationibus consequantur.  Qui vivis et regnas in saecula saeculorum. Amen.


Oblatio.
O fons misericordiae,
Summaeque bonitatis!
Prosint piorum lachrymae
Hoc igne cruciatis.
Locum tuae justitiae
Agnoscimus infernum,
Laudes tuae clementiae
Hi cantent in aeternum.
Requiem aeternam dona eis Domine.
V. Requiescant in pace:
R. Amen.

Adhortatio.
Quot usquam estis Numini et Superis devoti,
Audite, quid rogemini, ut sitis Dei toti:
Hic charitatis viscera fraternae explicate:
Vices rependet misera haec turba liberata.

Source - Coeleste Palmetum, Coloniae Agrippinae, 1782

No comments:

Post a Comment