Officium Parvum de Septem Doloribus Beatae Virginis - Little Office of the Virgin of Sorrows

 

AD MATUTINUM

Primus Dolor: ex Simeonis vaticinio. (Luc 2)

Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Iesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen.

Versus.

V. Domine, labia mea aperies,

R. Et os meum annuntiabit laudem tuam.

V. Deus, in adjutorium meum intende.

R. Domine, ad adjuvandum me festina.

Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.

A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.

Hymnus

Ave dulcis, Mater Christi!

Quae cor tuum gladio

Transfigendum audis, tristi

Senis vaticinio:

Tanti memor fac doloris,

Mihi sis praesidio,

Ut post vallem hanc moeroris,

Caeli reddar gaudio.

Antiphona.

Cui comparabo te? Vel cui assimilabo te, filia Jerusalem? Cui exaequabo te, et consolabor Virgo, filia Sion? Magna est enim velut mare contritio tua. (Thren. 2:13)

V. Tuam ipsius animam doloris gladius pertransivit:

R. Ut releventur ex multis cordibus cogitationes. (Luc. 2:35)

Oratio.

Oremus. Interveniat pro nobis, quaesumus, Domine Jesu Christe, nunc et in hora mortis nostrae apud tuam clementiam Beata Virgo Maria Mater tua, cujus sacratissimam animam in hora tuae Passionis doloris gladius pertransivit. Per te, Jesu Christe, Salvator mundi, qui cum Patre et Spiritu Sancto vivis et regnas per omnia saecula saeculorum. Amen.

AD PRIMAM.

Secundus Dolor: ex fuga in Aegyptum. (Matt 2)

Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Iesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen.

Versus.

V. Deus, in adjutorium meum intende.

R. Domine, ad adjuvandum me festina.

Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.

A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.

Hymnus.

Ave dulcis Mater Christi

Quae prae Regis furia

Saeviente, corde tristi,

Fugis exul patria:

O Regina beatorum,

Nostri spes exilii,

Fac infractus vi malorum

Fiam consors Filii.

Ant. Vide, Domine, quoniam tribulor: conturbatus est venter meus: subversum est cor meum in memetipsa; quoniam amaritudine plena sum: foris interfecit gladius, et domi mors similis est. (Thren 1:20)

V. Domine ante te omne desiderium meum.

R. Et gemitus meus a te non est absconditus.

Oratio.

Oremus. Interveniat pro nobis, quaesumus, Domine Iesu Christe, nunc et in hora mortis nostrae apud tuam clementiam Beata Virgo Maria Mater tua, cuius sacratissimam animam in hora tuae Passionis doloris gladius pertransivit. Per te, Jesu Christe, Salvator mundi, qui cum Patre et Spiritu Sancto vivis et regnas per omnia saecula saeculorum. Amen.

AD TERTIAM.

Tertius Dolor: ex amisso duodenni Filio. (Luc 2)

Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Iesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen.

Versus.

V. Deus, in adjutorium meum intende.

R. Domine, ad adjuvandum me festina.

Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.

A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.

Hymnus.

Ave dulcis Mater Christi,

Natum lugens inclytum:

O quam tristis quaesivisti

Triduo jam perditum:

Hujus memor o doloris!

Christum fac inveniam,

Et inventum per amoris

Nexum semper teneam.

Ant. Plorans ploravit in nocte et lachrimae ejus in maxillis ejus, non est qui consoletur eam ex omnibus charis eius. (Thren. 1:2)

V. Posuisti me desolatam.

R. Tota die moerore confectam. (Thren. 1:13)

Oratio.

Oremus. Interveniat pro nobis, quaesumus, Domine Jesu Christe, nunc et in hora mortis nostrae apud tuam clementiam Beata Virgo Maria Mater tua, cujus sacratissimam animam in hora tuae Passionis doloris gladius pertransivit. Per te, Jesu Christe, Salvator mundi, qui cum Patre et Spiritu Sancto vivis et regnas per omnia saecula saeculorum. Amen.

AD SEXTAM.

Quartus Dolor: ex captivitate, flagellatione, coronatione, et bajulatione Crucis Christi. (Luc)

Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Jesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen.

Versus.

V. Deus, in adjutorium meum intende.

R. Domine, ad adjuvandum me festina.

Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.

A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.

Hymnus.

Ave dulcis Mater Christi,

Quae dilectum Filium

Capi, caedi, flens vidisti,

Manibus crudelium:

O per poenas Patientis,

Nobis fit impunitas:

Per amorem Condolentis

Matris crescat charitas!

 Ant. Vide Domine afflictionem meam; quoniam erectus est inimicus. Manum suam misit hostis ad omnia desiderabilia mea. (Thren. 1:9-10)

V. Quis dabit capiti meo aquam, et oculis meis fontem lacrimarum.

R. Et plorabo die ac nocte.

Oratio.

Oremus. Interveniat pro nobis, quaesumus, Domine Jesu Christe, nunc et in hora mortis nostrae apud tuam clementiam Beata Virgo Maria Mater tua, cujus sacratissimam animam in hora tuae Passionis doloris gladius pertransivit. Per te, Jesu Christe, Salvator mundi, qui cum Patre et Spiritu Sancto vivis et regnas per omnia saecula saeculorum. Amen.

AD NONAM.

Quintus Dolor: ex Crucifixione. (Jn 19)

Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Jesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen.

Versus.

V. Deus, in adjutorium meum intende.

R. Domine, ad adjuvandum me festina.

Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.

A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.

Hymnus.

Ave dulcis Mater Christi,

Quae sub Crucis arbore

Gemens, Natum morte tristi,

Vides, heu! succumbere,

O per Ensem hunc doloris

Qui tunc scidit animam

Fac me firmet vis amoris

Mortis ad victoriam.

Ant. O vos omnes qui transitis per viam, attendite et videte, si est dolor, sicut dolor meus. (Thren. 1:12)

V. Plauserunt super te manibus omnes transeuntes per viam.

R. Sibilaverunt et moverunt caput suum super filiam Jerusalem.

Oratio.

Oremus. Interveniat pro nobis, quaesumus, Domine Jesu Christe nunc et in hora mortis nostrae apud tuam clementiam Beata Virgo Maria Mater tua, cujus sacratissimam animam in hora tuae Passionis doloris gladius pertransivit. Per te, Jesu Christe, Salvator mundi, qui cum Patre et Spiritu Sancto vivis et regnas per omnia saecula saeculorum. Amen.

AD VESPERAS.

Sextus Dolor: ex Corporis e Cruce sublatione. (Jn 19)

Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Jesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen.

Versus.

V. Deus, in adjutorium meum intende.

R. Domine, ad adjuvandum me festina.

Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.

A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.

Hymnus.

Ave dulcis Mater Christi,

Quae de Cruce mortuum

Ulnis natum suscepisti,

Madens unda fletuum.

Eja praestet vis doloris,

Mater plena gratiae,

Ut supremis server horis

Gremio clementiae.

 Ant. Ne vocetis me Noemi (id est pulchram) sed vocate me Mara (id est amaram) quia amaritudine valde me replevit Omnipotens. (Ruth 1:20)

V. Fasciculus myrrhae dilectus meus mihi.

R. Inter ubera mea commorabitur. (Cant. 1)

Oratio.

Oremus. Interveniat pro nobis, quaesumus, Domine Jesu Christe, nunc et in hora mortis nostrae apud tuam clementiam Beata Virgo Maria Mater tua, cujus sacratissimam animam in hora tuae Passionis doloris gladius pertransivit. Per te, Jesu Christe, Salvator mundi, qui cum Patre et Spiritu Sancto vivis et regnas per omnia saecula saeculorum. Amen.

AD COMPLETORIUM.

Septimus Dolor: ex Sepultura. (Jn 19)

Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Jesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen.

Versus.

V. Converte nos, Deus, salutaris noster,

R. Et averte iram tuam a nobis.
V. Deus, in adjutorium meum intende.

R. Domine, ad adjuvandum me festina.

Gloria Patri, et Filio, et Spiritui Sancto, sicut erat in principio et nunc et semper, et in saecula saeculorum, Amen. Alleluia.

A Septuagesima usque ad Pascha, loco Alleluia, dicitur Laus tibi, Domine, Rex aeternae gloriae.

Hymnus.

Ave dulcis Mater Christi,

Quae sepulchro conditum

Plangis Natum, heu quam tristi

Mente volvens obitum!

In virtute tot dolorum,

Quos tulisti fortiter,

Omnem contra vim malorum,

Stare nos viriliter:

Demum sorte beatorum

Fac gaudere jugiter.

Ant. Idcirco ego plorans et oculus meus deducens aquas: quia longe factus est a me consolator convertens animam meam. (Lam 1:16)

V. Defecerunt prae lacrimis oculi mei.

R. Conturbata sunt viscera mea. (Lam 2:11)

Oratio.

Oremus. Interveniat pro nobis, quaesumus, Domine Jesu Christe nunc et in hora mortis nostrae apud tuam clementiam Beata Virgo Maria Mater tua, cujus sacratissimam animam in hora tuae Passionis doloris gladius pertransivit. Per te, Jesu Christe, Salvator mundi, qui cum Patre et Spiritu Sancto vivis et regnas per omnia saecula saeculorum. Amen.

Commendatio.

Has Horas canonicas cum devotione

Tibi Virgo recolo pia ratione;
Ut materni pectoris ex compassione,

Mihi sis auxilio mortis in agone. Amen.

Source - Coeleste Palmetum, Coloniae Agrippinae, 1782